Путинцева «Ролан Гарростың» екінші айналымындағы қарсыласын білді
Бөлісу
Фото: Getty Images
Қазақстандық теннисші Юлия Путинцева Франция ашық чемпионатының екінші айналымында колумбиялық Камила Осориомен кездеседі.
Колумбиялық теннисші (WTA №86) турнирдің келесі кезеңіне шығу үшін әлем рейтиңінде 14-орында тұрған ресейлік Екатерина Александрованы қапы қалдырды. Матч 6:2, 6:4 есебімен аяқталды.
Бұған дейін Путинцева жарысты аустралиялық Талия Гибсонды жеңумен бастаған. Қазақстандық теннисші матчта 4:6, 6:4, 6:1 есебімен жеңіске жетті. «Ролан Гарростың» екінші айналымында Путинцева мен Осорио турнирдің үшінші кезең жолдамасы үшін бақ сынасады.
Турнир жеңімпазы 2,8 миллион еуро және WTA рейтиңінің 2000 ұпайына ие болады.