Қазақстан 2026 жылғы Азия ойындарында маунтинбайктан қатысатын құрамын жариялады
Фото: ACC
Қазақстан құрамасының төрт спортшысы Жапонияның Айти префектурасы мен Нагоя қаласында өтетін 2026 жылғы жазғы Азия ойындарында маунтинбайктан жарысқа қатысады.
Ұлттық құрама сапына Денис Сергиенко, Евгений Федоров, Татьяна Генелева және Юлия Ли енді. Қазақстандықтар олимпиадалық кросс-кантриден (XCO) жүлделерді сарапқа салады.
Ерлер құрамындағы ең тәжірибелі спортшы Сергиенко болмақ. Ол маусым айында Ташкентте өткен 2026 жылғы Азия чемпионатында күміс медаль жеңіп алды. Ал Ли сол жарыста жастар санатында екі рет жүлдегер атанды. Қазақстандық спортшы шорт-тректен (XCC) қола медаль иеленіп, кейін олимпиадалық кросс-кантриден үшінші орын алды.
Айта кетейік, XCO жарысының трассасы ұзындығы шамамен төрт шақырым болатын бірнеше айналымнан тұрады. Спортшылар биіктікке көтерілетін жолдарды, жылдам төмен түсетін бөліктерді және техникалық тұрғыдан күрделі учаскелерді еңсеруі керек.
Жарыстар Нагоядағы Обата Рекучи саябағында өтеді. Әйелдер арасындағы жарыс 24 қыркүйекке, ал ерлер бәсекесі 25 қыркүйекке жоспарланған.