Қазақстан құрамасы Билли Джин Кинг кубогының ширек финалында Испаниядан жеңілді
Фото: Kazakhstan Tennis Federation
Қазақстан құрамасы Қытайдың Шэньчжэнь қаласында өтіп жатқан Билли Джин Кинг кубогының ширек финалындағы Испанияға қарсы кездесуді сәтсіз бастады.
Қазақстан сапынан кортқа бірінші болып WTA рейтингінде 384-орында тұрған 20 жастағы Соня Жиенбаева шықты. Оның қарсыласы әлемнің 93-ракеткасы Джессика Бусас Манейро.
Испаниялық теннисші алғашқы геймдерден-ақ бастаманы қолға алып, Жиенбаеваға матчқа араласуға мүмкіндік бермеді. Кездесу Бусас Манейроның пайдасына 6:2, 6:2 есебімен аяқталды. Теннисшілер кортта 1 сағат 3 минут өткізді.
Осылайша, алғашқы матчтан кейін Испания ширек финалдық кездесуде 1:0 есебімен алға шықты. Екінші жекелей сында Қазақстан сапынан Юлия Путинцева өнер көрсетіп, Кристина Букшамен кездеседі.
Қазақстан құрамасы Билли Джин Кинг кубогының ширек финалына төртінші рет жолдама алып отыр. Испанияны жеңу ұлттық құрамаға тарихында алғаш рет турнирдің жартылай финалына шығуға мүмкіндік берер еді.
Айта кетейік, Қазақстан құрамасы шешуші кезеңде өзінің көшбасшысы Елена Рыбакинасынан айырылды. Әлемнің бірінші ракеткасы маусымның ауыр кезеңінен кейін қалпына келу қажеттілігіне байланысты турнирге қатысудан бас тартты. Қазақстан теннис федерациясының мәліметінше, Рыбакинада ахилл сіңіріне қатысты жарақат бар. Оған кемінде екі апта ем қабылдап, қалпына келу ұсынылған.