Қазақстандық гандболшылар Иранға есе жіберді
Фото: Сали Сабиров
Қазақстан ерлер құрамасы Жапонияның Айти және Нагоя қалаларында өтіп жатқан Азия ойындарының топтық кезеңіндегі үшінші матчында Ираннан 23:28 есебімен жеңілді.
Ойынның бірінші жартысында қазақстандықтар үш доп айырмасымен жеңіліп жатты. Үзілістен кейін ирандықтар тағы бір кезеңде басым түсіп, есеп айырмасын бес допқа жеткізді.
Қазақстан құрамасы қатарынан үшінші жеңілісіне ұшырады. Бұған дейін команда Бахрейннен (20:43) және Кувейттен (19:43) жеңілген еді. Иранға қарсы матч қазақстандықтардың турнирдегі ең нәтижелі ойыны болды. Команда алғаш рет бір кездесуде 20-дан көп гол соқты.
«В» тобындағы соңғы матчын Қазақстан құрамасы 25 қыркүйекте Оңтүстік Кореяға қарсы өткізеді. Ширек финалға топтағы бес команданың төртеуі шығады.
Алайда Ираннан жеңілгеннен кейін Қазақстан құрамасы ширек финалға шығу мүмкіндігінен айырылды. Қазақстанмен матчқа дейін Иран Оңтүстік Кореямен тең түсіп, бір ұпай жинаған еді. Енді Иран мен Оңтүстік Кореяда үш ұпайдан бар, ал Бахрейн мен Кувейттің еншісінде кемінде төрт ұпай бар. Нөл ұпайы бар Қазақстан бесінші орыннан көтеріле алмайды.
Еске салайық, 2026 жылғы Азия ойындары Жапонияның Айти префектурасы мен оның астанасы Нагояда өтіп жатыр. Жарыс 19 қыркүйекте басталып, 4 қазанға дейін жалғасады.