Қазақстандық жұп Азия ойындарындағы миксттен шығып қалды
Фото: Арлан Олжабай
Қазақстандық жұп Кирилл Герасименко мен Зауреш Акашева XX жазғы Азия ойындарындағы аралас жұптық (микст) жарыста өнер көрсетуді аяқтады.
Қазақстандық спортшылар плей-офф кезеңінің алғашқы айналымында жеңіліп қалды.
Келесі кезеңге шығу үшін болған кездесуде Герасименко мен Акашева Қытай Тайбэйінің өкілдері Фэн Исинь және Е Итянь жұбына қарсы ойнады. Қазақстандықтар қарсыластарына лайықты қарсылық көрсетіп, бір партияда жеңіске жеткенімен, бұл жетістігін жалғастыра алмады. Кездесу қорытындысы — 3:1, Қытай Тайбэйінің пайдасына.
Осылайша, қазақстандық жұп микстегі жарысын келесі кезеңге өте алмай аяқтады.
Екі спортшы үшін де Азия ойындары командалық жарыстан басталған еді. Герасименко өнер көрсететін Қазақстан ерлер құрамасы Бахрейн командасын 3:0 есебімен жеңіп, ширек финалға жолдама алды. Келесі кездесуде Қазақстан құрамасы жарыс қожайыны — Жапония құрамасымен кездеседі.
Ал Зауреш Акашева өнер көрсететін Қазақстан әйелдер құрамасы командалық жарыста әрі қарай өте алмады. Қазақстандық спортшылар Өзбекстан құрамасына 2:3 есебімен жол беріп, жарысты аяқтады.
Айта кетейік, биылғы XX жазғы Азия ойындарын Жапонияның Айти префектурасы мен Нагоя қаласы қабылдап жатыр.