Қазақстандық баскетболшылар Азия ойындарында Қытайдан жеңілді
Фото: Владислав Семёнов
Қазақстан әйелдер құрамасы Жапонияның Айти префектурасы мен Нагоя қаласында өтіп жатқан Азия ойындарында баскетболдан 3×3 форматындағы алғашқы матчын өткізді.
Қазақстандықтар топтық кезеңдегі алғашқы ойында Қытай құрамасымен кездесіп, 12:18 есебімен жеңіліп қалды. Осылайша, Қытай алты ұпай айырмасымен жеңіске жетті.
А тобында Қазақстан мен Қытайдан бөлек, Қатар және Шри-Ланка құрамалары өнер көрсетеді. Қазақстан құрамасының алдында топтық кезеңде тағы екі матч бар.
22 қыркүйек — Қазақстан – Шри-Ланка
23 қыркүйек — Қазақстан – Қатар
Қытай құрамасы бұған дейінгі екі Азия ойындарында — 2018 және 2023 жылдары әйелдер арасындағы 3×3 баскетболдан чемпион атанған.
Азия ойындары 19 қыркүйекте басталып, 4 қазанға дейін жалғасады.