WTA рейтингінің көшбасшысы Елена Рыбакина Қазақстанда шеберлік сабақтарын өткізеді
Фото: Jimmie48
Әлемнің бірінші ракеткасы Елена Рыбакина 2026 жылғы АҚШ ашық чемпионатындағы тарихи жеңісінен кейін Астана мен Алматыға келеді.
Қазақстандық теннисші елге сапары барысында жас спортшыларға шеберлік сабақтарын өткізіп, өз тәжірибесімен бөліседі және жанкүйерлерімен кездеседі. Сапар бір аптаға созылады, деп хабарлайды Қазақстан теннис федерациясының баспасөз қызметі.
Сондай-ақ Рыбакина сапар барысында Ахилл сіңірінің жарақатына байланысты медициналық тексеруден өтеді. Теннисші бұл жарақатты Цинциннатиде өткен WTA 1000 турнирінде алып, сол себепті матчтан бас тартуға мәжбүр болған.
Жарақаты Рыбакинаны 2026 жылғы АҚШ ашық чемпионатында да мазалады. Теннисші ауырсынуды басатын дәрі қабылдап ойнағанымен, турнирде жеңіске жетті және мансабында алғаш рет WTA әлемдік рейтингін басқарды.
Бапкерлер штабының мәліметінше, емделу және қалпына келу үдерісі кемінде екі аптаға созылады. Осыған байланысты Рыбакина 22-27 қыркүйек аралығында Қытайдың Шэньчжэнь қаласында өтетін Билли Джин Кинг кубогының финалдық кезеңіне қатыспайды. Қазақстан құрамасы турнирдің ширек финалында Испаниямен кездеседі.