Жібек Құламбаева Сербиядағы турнирдің алғашқы айналымында жеңілді
Бөлісу
Фото: ҚТФ
Қазақстан құрамасының теннисшісі Жібек Құламбаева Сербияның Куршумлия-Баня қаласында өтіп жатқан ITF W75 санатындағы турнирдің екінші айналымына шыға алмады.
Алғашқы кезеңдегі матчта қазақстандық спортшы ресейлік Алевтина Ибрагимоваға 1:6, 5:7 есебімен жол берді. Кездесу 1 сағат 31 минутқа созылды.
Екінші сет барысында Құламбаева 3:0, 4:2 және 5:3 есебімен алда тұрғанымен, матчты жеңіспен аяқтай алмады. Ойын аясында қазақстандық теннисші үш брейк-пойнтты сәтті пайдаланып, керісінше өз геймдерінде алты рет жеңіліс тапты.
Кейінірек Құламбаева жұптық сында да өнер көрсетеді. Қазақстандық спортшының жұптағы серіктесі швециялық Лиза Заар болады. Ал қарсыластары — Алевтина Ибрагимова мен румыниялық Елена Бертеа.