«Андерлехт» қорғаушысы Алматыға сапарды ең қолайсыз нұсқалардың бірі деп атады
«Андерлехт» ФК
Бельгиялық «Андерлехт» қорғаушысы Жюлиан Бьянкон Еуропа лигасының іріктеу кезеңіндегі плей-офф раунды аясында «Қайратқа» қарсы алғашқы матч өткізу үшін Алматыға сапар шегуге қатысты пікір білдірді.
Бельгиялық команда матч алдында футболшылардың жергілікті жағдайға бейімделуіне көбірек уақыт беру үшін Қазақстанға алдын ала баруды жоспарлап отыр.
«Шынымды айтсам, бұдан да нашар нұсқаны алу қиын еді. Мұндай команданың еурокубокта ойнай алатыны да таңғалдырады. Бірақ ереже солай. Бақытымызға қарай, Про-лига чемпионаттағы келесі матчымызды кейінге қалдырды. Бұл олардың тарапынан өте дұрыс шешім болды. Мұндай сапарға матчтан бір күн бұрын ғана ұшып баруға болмайды», – деп Бьянконның сөзін Walfoot.be келтірді.
26 жастағы француз қорғаушы осы жазда гректің «Олимпиакос» клубынан «Андерлехтке» ауысты. Бір қызығы, Бьянкон бұған дейін «Қайратқа» қарсы ойнаған. 2025 жылдың желтоқсанында француз футболшысы «Олимпиакостың» сапында Чемпиондар лигасының негізгі кезеңі аясында Астанада өткен матчта негізгі құрамда алаңға шықты. Сол кездесуде грек командасы 1:0 есебімен жеңіске жетті.
«Қайрат» пен «Андерлехт» арасындағы алғашқы матч 20 тамызда Алматының Орталық стадионында өтеді. Қарымта кездесу 27 тамызда Бельгияда ұйымдастырылады. Екі матчтың қорытындысы бойынша жеңімпаз Еуропа лигасының негізгі кезеңіне жолдама алса, жеңілген команда маусымды Конференция лигасының негізгі кезеңінде жалғастырады.
