Боузкова Йовичті Цинциннатидегі WTA-1000 турнирінен шығарып жіберді
Фото: Jimmie48
27-ракетка Мари Боузкова Цинциннатиде (АҚШ) өтіп жатқан WTA-1000 санатындағы турнирдің 1/8 финалына шықты. Чехиялық теннисші америкалық Ива Йовичті (WTA рейтингінде 16-орын) жеңді.
Кездесу 2 сағат 22 минутқа созылып, 7:6 (7:0), 7:6 (7:5) есебімен Боузкованың пайдасына аяқталды. Боузкова бір эйс жасап, бес рет қосарланған қателік жіберді және тоғыз брейк-пойнттың бесеуін пайдаланды. Ал Йович бір эйс жасап, бір қосарланған қателікке жол берді және сегіз брейк-пойнттың бесеуін жүзеге асырды. Бұл теннисшілердің өзара алғашқы кездесуі болды.
Төртінші айналымда Боузкова әлемнің төртінші ракеткасы, америкалық Кори Гауффпен кездеседі. Гауфф бұған дейін Энн Лиді 6:1, 7:6 (7:3) есебімен жеңген.
Боузкова мен Гауфф бұған дейін үш рет кездескен. 2022 жылы Цинциннатиде өткен турнирдің бірінші айналымында америкалық теннисші матчтан бас тартқаннан кейін чехиялық спортшы келесі кезеңге өтті. 2023 жылы Римдегі жарыстың үшінші айналымында Боузкова Гауффты үш сетте жеңді. Ал 2025 жылғы «Ролан Гаррос» турнирінде Гауфф қарымта қайтарды. Өзара кездесулер есебі — 2:1, Боузкованың пайдасына.