Бруну Фернандеш «Манчестер Юнайтедте» қалуды көздеп отыр
«Манчестер Юнайтед» ФК
«Манчестер Юнайтед» клубының капитаны Бруну Фернандеш жазғы трансферлік кезеңде ағылшын командасынан кетуді жоспарлап отырған жоқ. Бұған түркиялық «Галатасарайдың» қызығушылығы себеп болып отыр.
The Sun басылымының мәліметінше, түркиялық клуб 31 жастағы португалиялық футболшыға төрт жылдық келісімшарт ұсынып, жылына шамамен 20 миллион фунт жалақы төлеуге дайын болған. Алайда Фернандеш мансабын «Олд Траффордта» жалғастыруды шешкен.
Қазір «Манчестер Юнайтед» португалиялық ойыншымен жаңа келісімшарт бойынша алдын ала келіссөздерді бастап кетті. Фернандештің қазіргі келісімшарты 2027 жылдың жазына дейін жарамды және оны тағы бір маусымға ұзарту мүмкіндігі қарастырылған.
Фернандеш «Манчестер Юнайтед» сапында 2020 жылдың қаңтарынан бері ойнап келеді. Ол командаға Лиссабонның «Спортинг» клубынан ауысқан.
Осы уақытқа дейін португалиялық жартылай қорғаушы «Манчестер Юнайтед» сапында барлық турнирлерде 327 матч өткізіп, 107 гол соққан.
Ал 2025/26 жылғы маусымда Фернандеш Англия Премьер-лигасында бір маусымда 21 нәтижелі пас жасап, жаңа рекорд орнатқан.
