«Елімай» Конференциялар лигасының екінші кезеңіндегі ықтимал қарсыластарын білді
Фото: «Елімай» ФК
Семейдің «Елімай» клубы УЕФА Конференциялар лигасы іріктеуінің екінші кезеңіндегі ықтимал қарсыластарын анықтады. Турнирдің келесі сатысына арналған жеребе 17 маусым күні өтеді.
Егер қазақстандық клуб бірінші іріктеу кезеңінде Арменияның «Алашкерт» командасынан басым түссе, келесі кезеңде мына қарсыластардың бірімен кездеседі: Ларнаканың кипрлік АЕК клубы, Румынияның ЧФР командасы, Словакияның Трнава қаласындағы «Спартак» клубы немесе Литваның «Хегельман» және Эстонияның «Пайде» командалары арасындағы жұптың жеңімпазы.
Айта кетейік, «Елімай» – «Алашкерт» жұбының жеңімпазы екінші іріктеу кезеңінің жеребесінде себілмеген команда мәртебесіне ие болады.
Конференциялар лигасының екінші іріктеу кезеңіндегі алғашқы матчтар 23 шілдеде өтсе, қарымта кездесулер 30 шілдеге жоспарланған.
