ФИФА топ-менеджері Инфантиноны сынағаннан кейін қызметінен кетті

ФИФА Ламурдың кеткенін растады, алайда олардың не себепті қызметтен кеткені туралы нақты мәлімет бермеді. Ұйым қызметкерлеріне бұл шешімнің екі тараптың өзара келісімімен қабылданғаны хабарланған. Ламур ФИФА-ның бас операциялық директоры қызметін 2024 жылдың қарашасынан бері атқарып келген.

Reuters мәліметінше, дау FIFA Forward Enterprise жобасына байланысты туындаған. Жоспар бойынша шамамен 20 миллиард доллар тұратын коммерциялық құрылым құрып, оның 20 пайыз акциясын жеке инвесторларға шамамен 4,2 миллиард долларға сату көзделген.

Бұл құрылым ерлер және әйелдер арасындағы әлем чемпионаттары мен клубтар арасындағы әлем чемпионатынан түсетін коммерциялық табыстармен байланысты болуы тиіс еді.

Ламур шілде айының соңында жобаға ашық түрде қарсы шықты. Оның айтуынша, ФИФА қызметкерлеріне бұл жоба туралы қате ақпарат берілген. Сондай-ақ ол бастаманы бір адамның жобасы деп атап, Инфантиноны меңзеді.

Жоба әлемдік футбол қауымдастығында үлкен пікір қайшылығын туғызды. Оған УЕФА, АФК, КОНМЕБОЛ және басқа да конфедерация өкілдері қарсы шықты.

Сонымен қатар Инфантиноның аға кеңесшісі Карлос Кордейро да жобаға наразылық білдіріп, қызметінен кетті.

Нәтижесінде 1 тамызда ФИФА президенті Джанни Инфантино ұйымның бұл жобаны жүзеге асырудан бас тартатынын мәлімдеді.