Грилиш мансабын «Миланда» жалғастыруы мүмкін
«Эвертон» ФК
«Манчестер Ситидің» вингері Джек Грилишке «Эвертон» тарапынан қызығушылықтың төмендеуіне байланысты «Милан» ағылшын футболшысы үшін күреске қосылды.
Football Insider мәліметінше, италиялық клуб 30 жастағы ағылшын футболшысын трансферлік терезе жабылғанға дейін шабуылды күшейтуге үміткерлердің бірі ретінде қарастырып отыр. Алайда ойыншының трансферлік құны 10 млн фунттан төмен болған жағдайда ғана келісім жүзеге асуы мүмкін.
Грилиш жалға барған «Эвертон» футболшыны толықтай сатып алу жөніндегі келіссөздерден шегінді. Команда бас бапкері Дэвид Мойес ағылшын ойыншысының қайта оралуы қаншалықты қажет екеніне толық сенімді емес.
Өткен маусымда Грилиш «Эвертон» сапында барлық турнирде 22 матч өткізіп, екі гол соғып, алты нәтижелі пас берді. Жалға алу мерзімі аяқталғаннан кейін вингер «Манчестер Ситиге» қайта оралды. Оның клубпен келісімшарты 2027 жылдың жазына дейін жарамды.