«Кристал Пэлас» «Фулхэмді» жеңіп, Англия лигасы кубогының ширек финалына шықты
Фото: ФК «Кристал Пэлас»
«Кристал Пэлас» Англия лигасы кубогының 1/8 финалында «Фулхэмді» 1:0 есебімен жеңді.
Англия. Лига кубогы. 1/8 финал
«Фулхэм» – «Кристал Пэлас» – 0:1
Гол: Нкетиа, 37.
Кездесудегі жалғыз голды 37-минутта Эдди Нкетиа соқты. Ол Оскар Мингесаның оң қапталдан берген пасын сәтті аяқтап, допты қақпаның алыс бұрышына бағыттады.
Гол жібергенге дейін «Фулхэм» бірнеше қауіпті шабуыл ұйымдастырды. Алайда 15-минутта Кенни Тете бұрыштамадан кейін баспен дәл соққы жасай алмады. Көп ұзамай қонақтар қақпашысы Дин Хендерсон Энтони Робинсонның соққысын қайтарды. Ал Йоахим Андерсен допты қақпадан жоғары жіберді.
68-минутта Хендерсон Алекс Ивобидің жақын қашықтықтан жасаған соққысына тосқауыл болды. Қосымша уақытта да қонақтар қақпашысы сенімді ойнап, Гонсало Гарсияның баспен бағыттаған добын қайтарды.
Осы жеңістің арқасында «Кристал Пэлас» Англия лигасы кубогының ширек финалына қатарынан үшінші маусымда жолдама алды. Келесі кезеңде лондондық клуб «Сандерлендпен» кездеседі. Матч «Селхерст Парк» стадионында өтеді.