Мексика – Англия матчыннан кейін Лос-Анджелесте атыс болды

New York Post басылымының хабарлауынша, оқиға жанкүйерлер матчты тамашалаған фан-аймақ маңында болған. Атыс мексикалық қауым көп шоғырланған ауданда орын алған.

Оқиға салдарынан төрт адам жарақат алды. Қазіргі уақытта полиция күдіктілерді іздестіріп жатыр, тергеу жалғасуда.

Еске сала кетейік, әлем чемпионатының 1/8 финалында Англия құрамасы Мексиканы 3:2 есебімен жеңіп, турнирдің ширек финалына шықты. Келесі кезеңде ағылшындардың қарсыласы Норвегия құрамасы болады.

2026 жылғы әлем чемпионаты АҚШ, Канада және Мексикада өтіп жатыр және 19 шілдеде аяқталады.