Начын Куулар камбэк жасап, Азия ойындарының қола жүлдесін жеңіп алды

Үшінші орын үшін белдесуде қазақстандық балуан КХДР өкілі Кван Джин Киммен кездесті. Куулар бірінші кезеңді 0:3 есебімен ұтылып аяқтағанымен, үзілістен кейін белдесу барысын өзгертіп, 7:5 есебімен жеңіске жетті.

Бұған дейін 1/8 финалда Куулар тәжікстандық Абдулмажид Кудиевтен мерзімінен бұрын 2:13 есебімен жеңілген еді. Алайда қарсыласы финалға шыққаннан кейін қазақстандық балуан жұбаныш кезеңінде күресін жалғастырды. Бұл кезеңде ол Сауд Арабиясының өкілі Абдуллатиф Альбакриді 4:0 есебімен жеңіп, қола жүлде үшін белдесуге жолдама алды.

Бұл – Начын Куулардың Азия ойындарындағы алғашқы медалі.

Еске салайық, 2026 жылғы Азия ойындары Жапонияның Айти префектурасы мен оның астанасы Нагояда өтіп жатыр. Жарыс 19 қыркүйекте басталып, 4 қазанда аяқталады.