Наоми Осака Паолиниді жеңіп, WTA-500 турнирінің екінші кезеңіне шықты
Фото: Jimmie48
Жапониялық теннисші Наоми Осака Токиода өтіп жатқан WTA-500 санатындағы үй турнирін жеңіспен бастады. Ол алғашқы айналымда италиялық Жасмин Паолиниден басым түсті.
Әлемнің 18-ракеткасы қарсыласына бірде-бір сетте жеңіске жетуге мүмкіндік бермеді. Кездесу екі партияға созылып, 6:3, 7:6 (7:4) есебімен аяқталды. Теннисшілер кортта 1 сағат 38 минут өткізді.
Алғашқы сетте Осака басымдық танытып, сенімді жеңіске жетті. Екінші партияда Паолини қарсылық көрсеткенімен, тай-брейкте жапониялық теннисші шешуші сәттерде дәл ойнап, келесі кезеңге жолдама алды.
Токио. WTA-500. Әйелдер. 1/16 финал
Наоми Осака (Жапония) – Жасмин Паолини (Италия) – 6:3, 7:6 (7:4).