Пау Кубарси Францияны жеңгеннен кейін пікір білдірді
Фото: RFEF
Испания құрамасының қорғаушысы Пау Кубарси 2026 жылғы әлем чемпионатының жартылай финалында Францияны 2:0 есебімен жеңгеннен кейін өз пікірін білдірді.
Испания құрамасы алтыншы рет қақпасына гол жібермей, турнирдің финалына жолдама алды.
«Қорғанысымыз бен қақпашыларымыз туралы көп айтылды, бірақ біз көпшілікті үнсіз қалдырдық. Қазіргі футболдағы ең маңызды нәрселердің бірі – қақпаңды “құрғақ” сақтау деп ойлаймын», – деді Кубарси Фабрицио Романоға берген сұхбатында.
Еске сала кетейік, бұған дейін Испания құрамасы H тобында бірінші орынмен шыққан. Плей-офф кезеңінде команда Австрияны (3:0), Португалияны (1:0) және Бельгияны (2:1) жеңді. Команданың үздік сұрмергені шабуылшы Оярсабаль, ол жеті матчта бес гол соғып, бір нәтижелі пас берген.
2026 жылғы әлем чемпионатының финалында Испания құрамасы Англия – Аргентина жұбының жеңімпазымен кездеседі. Финалдық матч 20 шілде күні өтеді.
