Қазақстандық садақшылар Азиадада 1/8 финалда жеңілді
Фото: Никита Басов
Андрей Тютюн мен Дильмұхамед Муса Жапонияның Айти және Нагоя қалаларында өтіп жатқан 2026 жылғы Азиада ойындарында құрама садақ атудан жекелей сында жарысты аяқтады.
1/8 финалда Тютюн Вьетнам өкілі Данг Конг Дукке 146:148 есебімен жол берді. Ал Муса Қытай спортшысы Ляо Цзяхаодан бір ұпай айырмашылығымен (145:146) жеңілді.
Тютюн мен Муса — Қазақстанның құрама садақ атудан жетекші спортшыларының қатарында. 2025 жылы олар Бунед Мирзаметовпен бірге Азия чемпионатының командалық жарысында жеңімпаз атанып, финалда Үндістан құрамасын 230:229 есебімен ұтқан.
Еске салайық, 2026 жылғы Азиада ойындары Жапонияның Айти префектурасы мен оның астанасы Нагояда өтіп жатыр. Жарыс 19 қыркүйекте басталып, 4 қазанға дейін жалғасады.