Қазақстанның үш өкілі Азия ойындарында үстел теннисінен 1/8 финалға шықты
Фото: Арлан Олжабай
Қазақстанның үш өкілі Жапонияның Айти префектурасы мен Нагояда өтіп жатқан 2026 жылғы Азия ойындарында үстел теннисінен 1/16 финал кезеңінен өтті.
Кирилл Герасименко ұзаққа созылған жекпе-жек өткізді. Қазақстан құрамасының көшбасшысына Таиланд өкілі Сарают Танчароенаны жеңу үшін барлық жеті партия қажет болды – 4:3. Алан Құрманғалиев Йемен өкілі Ибрагим Гурбанды 4:0 есебімен оңай жеңіп, келесі кезеңге жолдама алды.
Әйелдер арасындағы жарыста Зауреш Акашова да 1/8 финалға шықты. Қазақстандық спортшы Өзбекстан өкілі Аружан Камалованы 4:0 есебімен жеңді.
Ерлер арасындағы жұптық сында Айдос Кенжигулов пен Санжар Жұбанов 1/16 финалда жарысты аяқтады. Қазақстандықтар Иранның Ношад Аламиян және Нима Аламияннан құралған жұбына бес партияда 2:3 есебімен есе жіберді.
Еске салайық, 2026 жылғы Азия ойындары Жапонияның Айти префектурасы мен оның астанасы Нагояда өтіп жатыр. Жарыс 19 қыркүйекте басталып, 4 қазанға дейін жалғасады.