«Реал» Винисиусқа жаңа келісімшарт бойынша ультиматум қойды
ЖИ
Мадридтік «Реал» Винисиус Жуниормен жаңа келісімшарт жөніндегі келіссөздерде қатаң ұстанымға көшті.
Испанияның Marca басылымының мәліметінше, клуб басшылығы бразилиялық вингерге қазіргі келіссөз кезеңі шешуші болатынын жеткізген. Егер футболшы жаңа шарттарға келіссе, ынтымақтастық жалғасады. Ал қарсы болған жағдайда «корольдік клуб» тарапынан енді жаңа ұсыныс жасалмайды, әрі оны сату нұсқасы қарастырылуы мүмкін.
Бұл жағдайды Лондонның «Арсенал» клубы мұқият бақылап отыр. Олар бұған дейін мадридтік команданың көшбасшыларының біріне қызығушылық танытқан.
Винисиус «Реал» сапында 2018 жылдан бері өнер көрсетіп келеді. Осы уақыт аралығында ол 375 матчқа қатысып, 128 гол соғып, 100 нәтижелі пас берген.
Бразилиялық футболшының қазіргі келісімшарты 2027 жылдың жазығына дейін жарамды. Ал Transfermarkt дерегі бойынша оның нарықтағы құны 140 миллион еуроға бағаланып отыр.
