Ресейлік боксшы қазақстандық WBA Asia чемпионын жекпе-жекке шақырды
Фото: Irfin Promotions
Ресейлік боксшы Харон Запольский Армат Арманұлына ашық түрде үндеу жасап, орта салмақтағы WBA Asia титулы үшін жекпе-жек өткізуді ұсынды.
Ресейлік спортшының мәлімдемесіне Арманұлының Гонконгта түркиялық Кенан Гюзелді жеңгеннен кейінгі әрекеті себеп болған.
«Чемпиондар өздерін бұлай ұстамайды. Менің атым — Харон Запольский. Мен WBA Asia титулына үміткермін. Армат, мен сені жекпе-жекке шақырамын. Өз жерімде жұдырықтасуға әзірмін. Сенің аумағыңа баруға да дайынмын. Жекпе-жекті қабылда немесе белбеуден бас тарт. Барлық сұрақ бойынша менің менеджеріммен байланысыңдар», — деді Запольский.
Айта кетейік, сол кездесуде қазақстандық боксшы қарсыласын нокаутқа жіберіп, орта салмақтағы WBA Asia титулын сәтті қорғаған еді. Кәсіпқой рингте Арманұлы алты жеңіске жетіп, бір рет жеңілген.