Василий Ломаченконың тартысты титулдық жекпе-жегі және Еркін Ғаббасовтың Париждегі «күмісі»: спорт тарихындағы бұл күн

Қазақстан

Еркін Ғаббасовтың «күмісі»

2024 жыл — осы күні Қазақстан құрамасының қоржыны Париждегі Паралимпиада ойындарындағы алғашқы медальмен толықты. Еркін Ғаббасов пневматикалық винтовкадан параспорттық оқ атудан (SH1 санаты) күміс жүлдеге ие болды. Финалда ол 247,3 ұпай жинады.

Әлем

Рокки Марчианоның қазасы

1969 жыл — осы күні өзінің 46 жасқа толуына санаулы сағаттар қалғанда атақты америкалық боксшы Рокки Марчиано ұшақ апатынан қаза тапты. Ол бокс тарихында ауыр салмақта жеңіліс көрмеген абсолютті әлем чемпионы ретінде қалды.

Су спортынан алғашқы әлем чемпионаты

1973 жыл — осы күні Белградта су спортынан алғашқы әлем чемпионаты басталды. Жарысқа 47 елден 686 спортшы қатысты. Медальдар кестесінде үздік үштікке АҚШ, ГДР және Италия құрамалары енді.

Автоспорт тарихынан

1980 жыл — осы күні аңызға айналған бразилиялық автокөлік жарысының шебері, Формула-1-дің үш дүркін чемпионы Нельсон Пике (Brabham-Ford) Нидерланд Гран-приінде жеңіске жетті. Екінші және үшінші орындарды француздар Рене Арну (Renault) мен Жак Лаффит (Ligier-Ford) иеленді. Жарыс Зандворт трассасында өтті.

Василий Ломаченконың жарқын жеңісі

2019 жыл — осы күні украиналық боксшы Василий Ломаченко Лондонда өткен турнирде америкалық Люк Кэмпбеллді төрешілердің бірауызды шешімімен жеңді.

Бұл жекпе-жекте Ломаченко WBA Super және WBO нұсқалары бойынша чемпиондық атақтарын сақтап қана қоймай, жеңіл салмақтағы WBC белбеуін де иеленді. Тартыс толық 12 раундқа созылды.

Бұл күні дүниеге келгендер

1987 жыл — Марин Томасов, хорватиялық футболшы, жартылай қорғаушы, Қазақстанның «Астана» клубының ойыншысы. Қазақстанның төрт дүркін чемпионы және Хорватияның бес дүркін вице-чемпионы.

1988 жыл — Любовь Филимонова, ресейлік және қазақстандық биатлоншы, 2010 жылы Ванкуверде өткен қысқы Олимпиада ойындарының қатысушысы.