Жезуш Португалияның Ұлттар лигасының ширек финалына мерзімінен бұрын шыққанына баға берді
Фото: FOX sports
Португалия құрамасының бас бапкері Жорже Жезуш команданың 2026/27 жылғы Ұлттар лигасының ширек финалына мерзімінен бұрын жолдама алғанына пікір білдірді.
Португалиялықтар төртінші турда өз алаңында Норвегияны 2:1 есебімен жеңді. Жезуштің айтуынша, оның командасы бірнеше күн бұрын Данияға қарсы өткен матчтағыдай сапалы футбол көрсете алмаған. Дегенмен басты нәтижеге қол жеткізген.
«Біз жеңіске жеттік, бірақ Данияға қарсы ойындағыдай жақсы өнер көрсете алмадық. Ең бастысы – жеңіс және келесі кезеңге шығу. Мен командаға қатты сендім, бірақ алғашқы төрт матчтың бәрінде жеңіске жетеміз деп ойламадым», – деді маман УЕФА-ның ресми сайтына берген сұхбатында.
Португалия қазіргі турнирдегі барлық кездесуінде жеңіске жетті: Уэльс (1:0), Норвегия (2:1, 2:1) және Дания (4:2). Команда 12 ұпайдың бәрін жинап, топтық кезеңнің аяқталуына екі тур қалғанда ширек финалға шығатынын қамтамасыз етті.